Hví er ráðist á verk eftir Monet og það skorið í sundur? Málverk eftir Monet komast eins nálægt því og hægt er að vera tær fegurð. Engum á að geta verið illa við þau. Boðskapurinn í þeim er að heimurinn sé fagur, marglitur, eilítið dularfullur.
Sökudólgarnir virðast vera fimm ungmenni, fjórir karlar og ein kona.
Einhvern veginn dettur manni í hug listnemar, að þetta sé partur af einhvers konar gjörningi, að þessum verknaði sé ætlað að hrella og ögra þeim sem telja sig hafa góðan smekk. En kannski er ég bara að flækja málið.
Og þarna séu á ferðinni einhverjir pönkarar sem fundu sér ekkert betra að gera á þessari stundu og hafi með þessum hætti fengið útrás fyrir almenna gremju í garð mannkynsins?
