Það vantar starfsfólk á leikskóla, lögreglumenn, kennara, hjúkrunarfólk.

Mér skilst að vanti líka fólk til að vinna í verslunum eins og IKEA.

Og svo er mér sagt að sárvanti verkfræðinga og tæknimenntað fólk.

Þenslan í þjóðfélaginu er varla að minnka neitt að ráði.

Á meðan er reyndar stór hluti unga fólksins í viðskiptanámi í háskólum landsins.

Má ekki ætla að þetta hafi tvíþættar afleiðingar:

Annars vegar umtalsverðar kauphækkanir og hins vegar stóraukinn fjölda innflytjenda.

Við Íslendingar erum greinilega ekki nógu margir til að standa undir allri þessari athafnasemi.