Fréttablaðið sér ekki neitt, en bærinn er samt undirlagður útgangsfólki, rónum og dópistum á daginn, en á nóttum um helgar er hann eins og orrustuvöllur. Það er ekki bara að liðið sé drukkið og dópað, heldur eru margir komnir þangað beinlínis til að slást eins og hópur unglinga úr Garðabæ sem réðist að ungum frænda mínum og vinum hans á menningarnótt.

Nú má vera að hægt verði að koma í veg fyrir þetta með aukinni löggæslu og engu öðru. En það er samt allt í lagi að huga að öðrum leiðum. Það er til dæmis ekki sjálfsagt að stærstur hluti skemmtistaða á litlu svæði geti haft opið langt fram á næsta dag – séu þannig í rauninni næturklúbbar.

Ég þekki ekki aðrar borgir þar sem þetta tíðkast. Það má semsagt íhuga að breyta skemmtanavenjum landans án þess að það sé tilræði við einstaklingsfrelsið.

Svo má kannski athuga með að breyta drykkjusiðunum líka, en það er erfiðara.

Þeir eru kannski genetískir.