Excel-fræðin eru eitt af því hættulegasta sem þekkist í rekstri fyrirtækja.

Maður hnikar til nokkrum tölum og fær þá niðurstöðu sem maður vill.

Í úttekt í DV stendur að Sigurjón Árnason hafi verið mikill excel-maður.

Ég ætla að segja litla sögu í þessu sambandi.

Fyrir nokkrum árum var ég leiður á lífinu og Íslandi. Ég drakk kaffi með manni sem tengdist útrásinni og nefndi við hann hvort kannski væri möguleiki fyrir mann eins og mig að fá vinnu í útlöndum.

Hann spurði hvað ég hefði fram að færa.

Ég sagði að ég væri nokkuð hagvanur víða erlendis og gæti bjargað mér á sjö tungumálum fyrir utan móðurmálið.

Uss, hnussaði í manninum, hvað ættum við að gera við svoleiðis fólk?

Og svo bætti hann við:

Ég þarf bara klára stráka sem kunna á excel!