Fyrir nokkru hafði samband við mig starfsmaður úr einum af gömu bönkunum.

Hann sagðist hafa starfað í útlánadeildum bankans. Þar hafði hann farið að veita því athygli hversu miklar fjárhæðir var verið að lána gegn litlum eða engum veðum.

Hann skoðaði útlán sem tengdust einu stærsta eignarhaldsfélaginu og komst að því að stöðugt var verið að lána því peninga út á sama og engin veð.

Starfsmanninum fannst þetta svo alvarlegt að hann ákvað að gera viðvart. Hann lét semsagt yfirboðara sína vita að það væri ekki allt með felldu.

Viðbrögðin voru einkennileg.

Starfsmaðurinn var tekinn úr útlánadeildinni. Fluttur í aðra deild – á svið sem hann hafði sáralítið vit á. Um leið var honum skammtað nýtt tölvupóstfang – þannig að hann hafði ekki aðgang að gamla pósthólfinu sínu.

Hér má sjá dæmi um svonalagað.

Glórulausa lánastarfsemi – og alltaf til sömu vildarvinanna.