Þráinn Bertelsson kemur með þessa útfærslu á hugmyndum Framsóknarmanna á skuldaniðurfellingu:

„Sú sjálfsagða lausn sem ég hef á því “að slá skjaldborg um heimilin” einsog Samfylkingin talaði um en þorir ekki að gera og gengur út á að taka „Þráins-tilbrigðið“ við gambít Framsóknarflokksins og Tryggva Þórs Herbertssonar um 20% flata niðurfellingu skulda.

Mín varíasjón við þessa hugmynd hljóðar upp á 25% flata niðurfellingu skulda af lánum vegna íbúðarhúsnæðis til hvers skuldara en niðurfelld upphæð skal aldrei nema hærri upphæð en 12,5 milljónum (sem eru fjórðungur af 50 milljón króna húsnæðisskuld). 

Ég sé ekki ástæðu til að hafa fyrirtæki inn í þessu, þau eiga aðra fjármögnunarmöguleika en fjölskyldurnar í landinu, og allrasíst langar mig að gefa auðmönnum marga tugi milljóna í niðurfellingu á braski og bruðli með íbúðarhúsnæði. Þess vegna þetta hámark.“