Við lifum á tíma gjaldeyrishafta sem óvíst er hvenær verður aflétt.

Þetta býður upp á svartan markað og tvöfalt kerfi. Í Argentínu hætti gjaldeyrir að skila sér heim eftir kreppuna.

Sama ástand gæti komið upp hérna þrátt fyrir lög sem kveða á um skilaskyldu og hafa í sér ströng refsiákvæði.

Nú skilst manni að gjaldeyrisviðskipti sem varðað gætu við lög séu til rannsóknar, að Seðlabanki hafi vísað slíku máli til FME.

Það var þetta sem Geir Haarde var að tala um í fréttum í kvöld – heldur óskýrt eins og honum er tamt – en þar sagði hann að krónan væri ekki að styrkjast eins og vonir stóðu til sökum þess að gjaldeyrir skilaði sér ekki.