Það var kannski ekki seinna vænna, en nú hefur verið opnaður vefur um þjóðaratkvæðagreiðsluna 20. október – þegar greidd verða atkvæði um tillögur Stjórnlagaráðs.

Á vefnum eru tillögurnar kynntar og farið yfir spurningarnar sem sérstaklega verða sérstaklega bornar fram í þjóðaratkvæðagreiðslunni.

Þær eru svohljóðandi:

1. Vilt þú að tillögur stjórnlagaráðs verði lagðar til grundvallar frumvarpi að nýrri stjórnarskrá?

• Já, ég vil að tillögur stjórnlagaráðs verði lagðar til grundvallar frumvarpi að nýrri stjórnarskrá
• Nei, ég vil ekki að tillögur stjórnlagaráðs verði lagðar til grundvallar frumvarpi að nýrri stjórnarskrá

2. Vilt þú að í nýrri stjórnarskrá verði náttúruauðlindir sem ekki eru í einkaeigu lýstar þjóðareign?

• Já
• Nei

3. Vilt þú að í nýrri stjórnarskrá verði ákvæði um þjóðkirkju á Íslandi?

• Já
• Nei

4. Vilt þú að í nýrri stjórnarskrá verði persónukjör í kosningum til Alþingis heimilað í meira mæli en nú er?

• Já
• Nei

5. Vilt þú að í nýrri stjórnarskrá verði ákvæði um að atkvæði kjósenda alls staðar að af landinu vegi jafnt?

• Já
• Nei

6. Vilt þú að í nýrri stjórnarskrá verði ákvæði um að tiltekið hlutfall kosningarbærra manna geti krafist þess að mál fari í þjóðaratkvæðagreiðslu?

• Já
• Nei
•