Stefán Eiríksson, lögreglustjóri á Höfuðborgarsvæðinu, skrifar grein í nýjasta tölublað Kjarnans þar sem hann skýrir frá því að afbrotum fari mjög fækkandi. Greinin nefnist Dularfulla glæpahvarfið.

Stefán segir að þetta eigi við um þjófnaði, innbrot, eignaspjöll og ofbeldi, en það hafi ekki vakið sérstaka athygli hjá fjölmiðlum. Kannski, eins og sagt er, er það ekki frétt ef hundurinn geltir ekki.

Stefán staðhæfir að tölurnar gefi rétta mynd og líka að þær haldist í hendur við alþjóðlega þróun. Síðla sumars hafi verið fjallað um hana í The Economist undir yfirskriftinni The Curious Case of the Fall in Crime.

Það eru uppi ýmsar kenningar um hvers vegna þetta hefur gerst, til dæmis á svið félagsfræði og forvarna. Stefán nefnir betri og markvissari löggæslu og hluti eins og að vímuefnaneysla ungmenna hefur minnkað, útbreidda fordæmingu á heimilisofbeldi og betri þjófavarnir.

Stefán nefnir þó að kynferðisbrotum hafi ekki fækkað sem og vasaþjóðfnuðum – það er rakið til þess að fólk gengur um með dýr símtæki sem er gjarnan stolið.

Það kemur svo fram hjá Stefáni, eins og í greininni í Economist, að þyngri refsingar hafi ekki áhrif í þessu samhengi og séu fremur til óþurftar en hitt.