Vinur minn tók saman þetta yfirlit um nefndir á vegum ríkisins. Nefndir eru dálítið til umræðu vegna niðurskurðar hjá ríkinu.

Maður veit svosem aldrei með nefndir, sumar eru nauðsynlegar, aðrar eru góðar og gagnlegar, sumar eru vita þýðingarlausar – og svo eru væntanlega margar sem hefur gleymst að leggja niður. Og ekki eru öll nefndarstörf jafnvel borguð – sum kannski alls ekki.

Best er að komast í nefnd þar sem þóknunin er há og en krafan um vinnuframlag er sama og engin: Þar má til dæmis nefna bankaráð Seðlabankans.

Annars er ég ekki vel marktækur, því mér er aldrei boðin seta í nefndum, er ekki í neinni nefnd – og er sjálfsagt fullur af beiskju þess vegna. Ég hlýt eiginlega að vera einn af fáum miðað við þetta yfirlit.