Leiðist þér ekki að tala við þessa menn? spyr grínistinn Russell Brand sjónvarpsmanninn Jeremy Paxman í viðtali sem fer eins og eldur í sinu um internetið. Paxmann hefur gert það að ævistarfi sínu að tala við stjórnmálamenn.

Tilefnið er að Brand er gestaritstjóri tímaritsins New Statesman.

Brand segir að stjórnmálamenn þjóni hagsmunum stórfyrirtækja og pólitískrar elítu og vilji engar breytingar. Honum er mikið niðri fyrir þegar hann talar um ójöfnuð og aðgerðaleysi stjórnmálanna gagnvart málefnum eins og loftslagsbreytingum.

Paxman reynir að finna höggstað á Brand en hann verst fimlega og talar um mikilvægi öðruvísi stjórnmála.