Merkilegt er að sjá sumar niðurstöðurnar í skoðanakönnun MMR um traust til stofnana samfélagsins.
Til dæmis það að fjölmiðlar njóta lítils trausts. Þegar spurt er um viðhorf til fjölmiðla segjast aðeins 12,7 prósent treysta þeim.
En þegar spurt er um traust til Ríkisútvarpsins er annað uppi á teningnum. 52,3 prósent segjast treysta Ríkisútvarpinu, aðeins lögreglan og Háskóli Íslands eru hærri.
Einungis 17,2 prósent segjst ekki treysta Ríkisútvarpinu.
Til samanburðar má svo geta þess að 23 prósent segjast treysta ríkisstjórninni, 22,5 prósent stjórnarandstöðunni, en 16,4 prósent Alþingi. Það bætir við sig nokkrum prósentustigum.
