Menn gerast nú ansi breiðir fyrir fótboltaleikinn við Norðmenn seinna í dag. Það er náttúrlega alveg óvíst hvort Íslandi takist að vinna, drengilegast væri kannski að Norðmenn spiluðu á hálfum hraða og leyfðu okkur að komast áfram í umspil um sæti á heimsmeistaramótinu í Brasilíu á næsta ári.
Því Norðmenn eru dottnir út – við eigum séns.
Svisslendingar gætu líka hjálpað Íslandi með því að vinna Slóveníu, það myndi nægja, við erum ofar en síðarnefnda liðið að stigum.
Þá gæti Ísland komist í leik um sæti á HM gegn til dæmis Frakklandi, Svíþjóð eða Grikklandi. Það eru möguleikarnir varla miklir, en gaman væri að ná svo langt.
En eins og fyrr segir gerast menn nokkuð breiðir, breska dagblaðið The Independent hefur eftir blaðamanni á Morgunblaðinu:
“They all look down on us so much, we are not even their little brother, we are their little cousin,” explained Tomas Thordarson of Icelandic newspaper Morgunbladid. “They have more or less no respect for us, and we absolutely love beating them.”
Sweden are guaranteed a play-off place but Norway are out and Denmark are fighting to come second in Group B. “If we can leave Denmark behind, and beat Norway in Oslo, it would add a cherry on a cake that is already very, very sweet,” Thordarson added.“
Nú er við þetta að athuga að það kemur ekki oft fyrir að Ísland sigri hinar Norðurlandaþjóðirnar í íþróttum – það er þá helst í handbolta. En þegar þær keppa á stórmótum halda Íslendingar gjarnan með Norðurlandaþjóðum, dönsk landslið hafa verið áberandi vinsæl hér.
Hvað varðar virðingarleysi Norðurlandanna gagnvart Íslandi, þá er það kannski eitthvað sem menn upplifa sterkt á Mogganum. Þar hefur ríkt nokkurs konar umsátursástand í mörg ár, enda ríkir þar mikill beygur gagnvart óvinveittum útlendingum.
