Hefð hefur komist á það síðustu árin að lögreglan slái skjaldborg um Alþingi í kringum þingsetningu.

Þingsetningin hefur verið tilefni til mótmælaaðgerða mörg ár í röð, fjölmennust voru þau 2010. Og það hefur komið fyrir að kastað hefur verið ýmsu lauslegu að þingmönnum – til að mynda fékk einn þeirra egg í hausinn við þingsetningu 2011.

Líklega verður friðsamara um að lítast á Austurvelli í dag, þótt einhverjir hópar séu að boða til mótmæla. Ríkisstjórnin er ný og ekki útséð með hvernig hún stendur sig.

En dagurinn í dag er afdrifaríkur. Fjárlögin verða kynnt seinnipartinn – þá ætti að koma í ljós hverjar áherslur stjórnarinnar eru varðandi niðurskurð, heilbrigðismálin, menntamál, menningu og skatta. Það er langt síðan fjárlaga hefur verið beðið með slíkri spennu.

Á morgun verður svo stefnuræða forsætisráðherra og umræður um hana. Þá mætti ætla að ýmislegt skýrist um fyrirætlanir ríkisstjórnarinnar, til dæmis varðandi niðurfellingu skulda, samninga við kröfhafa bankanna og aðildarumsóknina að Evrópusambandinu.

Heldur nöturlegt andúmsloft hefur verið við þingsetningu undanfarin ár. Haustið 2011 fékk þingmaðurinn Árni Þór Sigurðsson egg í höfuðið.