Athyglisvert er að Ísfélag Vestmannaeyja ætli að kaupa prentsmiðjuna Odda – starfsemi sem er víðs fjarri sjávarútvegi.

En þetta sýnir hverjir hafa bolmagnið, auðinn og völdin í íslensku samfélagi. Það eru kvótahafar.

Eftir hrun fjármálastarfsemi á Íslandi þeir orðið rækilega ofan á – studdir af lágu gengi íslensku krónunnar.

Af þeim er létt sköttum – Kári Stefánsson gerir það að umtali í grein í dag. Þeir eru langsterkasti sérhagsmunahópur landsins, hafa stjórnmálin í raun í hendi sér.

Fyrir utan kvótahafa eru það lífeyrissjóðir og þeir sem komu undan peningum fyrir hrun og geta flutt þá aftur inn í íslenska hagkerfið – á afslætti – sem hafa getu til að kaupa upp Ísland.

Líklegt er að með tíð og tíma verði það einhver blanda af þessu þrennu sem eignast fjármálakerfið á Íslandi – nema þá að eitthvað af því falli í skaut erlendra aðila.

Það væri eiginlega óskandi.