Bandarísk stjórnmál eru einkennileg. Nú kjósa Bandaríkjamenn yfir sig þing þar sem repúblikanar hafa meirihluta bæði í fulltrúadeild og öldungadeild.

Þetta lesendabréf fer eins og eldur í sinu um internetið, það er skrifað af manni í Kanada, birtist upprunalega í blaði í Detroit.

Þarna er Obama hrósað í hástert fyrir að vera góður forseti, enda hafi efnahagsástandið stórbatnað í Bandaríkjunum og á alþjóðavettvangi sé Obama mikil framför frá Bush.

Ein ástæða þess að kjósendur snúast gegn Obama er þó sögð sú að þeir sjálfir skynji ekki efnahagsbatann. Hagvísarnir beinist allir upp – en kaup og kjör almennings batni ekki.