fbpx
Miðvikudagur 25.febrúar 2026
Eyjan

Útrásin og alþjóðaviðskiptin

Egill Helgason
Fimmtudaginn 19. júní 2014 16:00

Ekki missa af Helstu tíðindum dagsins í pósthólfið þitt

Lesa nánar

Þessi dálítið einkennilega grein birtist í Morgunblaðinu í dag, höfundur er óþekktur en kallar sig Innherja. Hann er að mælast til þess að útrásin hefjist hefjist aftur. En í greinini birtist nokkuð bágur söguskilningur. Þarna er fjallað um hugtakið útrásarvíkingur, sem var þokkalega jákvætt framan af en hefur nú afar neikvæða merkingu.

Greinarhöfundi virðist ekki vera kunnugt um að einn sá maður sem aðallega hélt þessu á lofti var Ólafur Ragnar Grímsson, forseti Íslands, sem gerðist einn ákafasti talsmaður útrásarvíkinga og ímyndarsmiður þeirra.

Þarna er talað um að nauðsyn sé að reisa „útrásina til vegs og virðingar“, sé erfitt að sjá hvernig megi tryggja góð lífskjör hér á hjara veraldar án hennar.

En „útrásin“ hefur auðvitað aldrei hætt. Hún var til staðar áður en „útrásarvíkingarnir“  hér um með eyðandi afli sínu og settu allt á hausinn og hún hélt áfram eftir það.

Íslendingar selja fisk víða um heim og sum útgerðarfyrirtæki íslensk starfa alþjóðlega, fyrirtæki eins og Marel, CCP og Össur eru enn til, þau hafa bara aldrei verið kennd við „útrás“. Plain Vanilla er fyrirtæki sem sækir fram á alþjóðavettvangi, en við köllum það ekki „útrás“. Það er meðal annars miklu markaðsstarfi erlendis að þakka að útlendum ferðamönnum hefur fjölgað mikið.

Íslendingar eiga auðvitað að sækja fram í alþjóðlegum viðskiptum. Landið hérna er smátt – oft alltof smátt fyrir framtaksamt fólk. En nú er það sem helst hamlar gjaldeyrishöft – sem eru meðal annars ríkjandi hér vegna þess furðulega liðs sem stóð fyrir síðustu „útrás“.

Annars bregður fyrir í greininni orðinu „athafnaskáld“, það er sprottið af orðinu „athafnamaður“ sem er væntanlega íslensk þýðing á „enterpreneur“. Athafnamenn voru áberandi á síðum Morgunblaðsins í eina tíð – yfirleitt voru þetta karlar sem höfðu af eigin rammleik byggt upp útgerðarfyrirtæki úti á landi. Upp úr því varð svo til athafnaskáldið.

Orðið minnir reyndar nokkuð á rússnesku konstrúktívistana og ítölsku fútúristana á fyrstu áratugum tuttugustu aldarinnar, menn sem sáu skáldskap í athafnasemi, framförum og vélvæðingu.

10500404_10152537965854289_5651366692891050616_n

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Landráðamenn

Mest lesið

Nýlegt

EyjanFastir pennar
Fyrir 4 dögum

Óttar Guðmundsson skrifar: Losum fráflæðisstífluna

Óttar Guðmundsson skrifar: Losum fráflæðisstífluna
Eyjan
Fyrir 5 dögum

Grímur Sæmundsen: Ógnin af eldsumbrotunum verður tækifæri í framtíðinni

Grímur Sæmundsen: Ógnin af eldsumbrotunum verður tækifæri í framtíðinni
Eyjan
Fyrir 6 dögum

Orðið á götunni: Ólíkt hafast þeir að – sumir skilja að tímabundin skipun í embætti er tímabundin, aðrir ekki

Orðið á götunni: Ólíkt hafast þeir að – sumir skilja að tímabundin skipun í embætti er tímabundin, aðrir ekki
Eyjan
Fyrir 6 dögum

Grímur Sæmundsen: Gjörbreytt samkeppnisumhverfi og rétti tíminn til að gera breytingar

Grímur Sæmundsen: Gjörbreytt samkeppnisumhverfi og rétti tíminn til að gera breytingar
Eyjan
Fyrir 1 viku

Jóhann Páll Jóhannsson: Það þurfti að koma Sjálfstæðisflokknum úr ríkisstjórn til að komast áfram í útlendingamálum og orkumálum

Jóhann Páll Jóhannsson: Það þurfti að koma Sjálfstæðisflokknum úr ríkisstjórn til að komast áfram í útlendingamálum og orkumálum
Eyjan
Fyrir 1 viku

Erna Bjarnadóttir skrifar: Landbúnaður og ESB: Sérlausnir eru ekki undanþágur

Erna Bjarnadóttir skrifar: Landbúnaður og ESB: Sérlausnir eru ekki undanþágur