Maður fær oft greinargóðar upplýsingar af því að tala við leigubílsstjóra.

Ég er stadur í Berlín og í dag átti ég langa bílferð með Mustafa frá Tyrklandi. Hann sagðist vera þriggja barna faðir.

Ég spurði hann hvernig honum þætti að búa í Þýskalandi?

Hann sagði að það sveiflaðist svolítið með efnahagsástandinu, en almennt væri Þýskaland frjálslynt lýðræðisríki.

Og Berlín væri borg þar sem frjálslyndi og umburðarlyndi væri í hávegum haft.

Sjálfur sagðist hann vera múslimi og stundaði mosku. Konan hans bæri höfuðklút – og það væri helst að óvild og fordómar bitnuðu á henni.

Til dæmis væru konur með höfuðklúta síður gjaldgengar í ýmis störf.

Ég sagði honum að formaður félags múslima á Íslandi væri borinn og barnfæddur Íslendingur – sem hefði kynnst trúarbrögðunum á ferðalagi um Mið-Austurlönd. Hann væri gáfaður og frjálsyndur maður og góður vinur minn.

Mustafa fannst merkilegt að heyra það.

Þetta var afskaplega viðkunnanlegur maður, við kvöddumst með virktum og báðum öfgamenn aldrei að þrífast.