Nú er sagt að þingsályktunartillaga utanríkisráðherra um að draga til baka aðildarumsókn að Evrópusambandinu verði lögð fram fyrir 26. mars.
Maður skilur hvað Framsóknarmenn geta vænst af þessu. Þeir hafa í seinni tíð tekið mjög harða afstöðu gegn ESB, geta þétt hjá sér raðirnar með því að afturkalla umsóknina og eins verður þá erfiðara fyrir samstarfsflokk þeirra í ríkisstjórn að stökkva burt á vit annarra stjórnmálaflokka.
En það er eiginlega ómögulegt að sjá hvað Sjálfstæðisflokkurinn hefur upp úr þessu.
Þarna skapast ólga á tíma og þarf að fást við tvö stórmál, kjarasamninga og afnám hafta. Víst er að þetta mun vekja óeiningu innan flokksins – stjórnmálaaflið Viðreisn verður aftur í sviðsljósinu, klofningur í Sjálfstæðisflokknum.
Samt virðist flest benda til að Sjálfstæðisflokkurinn ætli með í þennan leiðangur. Einhverjir þingmenn hans munu væntanlega greiða atkvæði á móti. En svo er spurningin – hvað fær hann í staðinn?
