Göran Persson, fyrrum forsætisráðherra Svíþjóðar, er ekki sérstakur aðdáandi Donald Trump og því sem hann hefur tekið sér fyrir hendur. Á miðvikudagskvöldið flutti Persson ræðu á fundi á vegum Dagens Nyheter í Svíþjóð. Þar sagði Persson um Trump: „He will make America small, again.“ En þetta vísar til slagorðs Trump: „We will make America great, again.“ En það notaði hann í kosningabaráttu sinni.

Persson sagði á fundinum að sú pólitíska stefna sem Trump standi fyrir og sé að hrinda í framkvæmd muni á endanum valda því að honum verði hafnað og að í næstu kosningum muni repúblikanar tefla öðrum frambjóðanda fram til forsetaembættisins.

Þessi maður „He will make America small, again,“ sagði Persson.

Í kjölfar forsetakosninganna í Bandaríkjunum í nóvember sagði Persson að hann væri órólegur vegna sigurs Trump. Á fundi Dagens Nyheter sagðist hann ekki hafa sérstakar áhyggjur af framtíðinni því Donald Trump verði ekki lengi við völd. Sagði Persson að það sem Trump sé nú að taka sér fyrir hendur verði einfaldlega ekki látið viðgangast:

Ég set stórt spurningamerki við þá pólitísku stefnu sem hann er að ýta úr vör, að það sé hægt að hrinda henni í framkvæmd. Ef þessi pólitík verður að veruleika þá mun hann ekki hitta kjósendur sem forseti í næstu kosningum, það mun einhver annar gera. Ég held að hann verði settur af.