Lögreglustjórar á Íslandi hafa allir gengið úr Félagi forstöðumanna ríkisstofnana (FFR). Þetta kemur fram í Morgunblaðinu í dag. Þar að auki hafa tollstjóri, forstjóri Landhelgisgæslunar og forstjóri útlendingastofnunar gert hið sama. Ástæðan fyrir úrsögninni er sú að fyrir liggur frumvarp til laga á breytingu á lögum um réttindi og skyldur starfsmanna ríkissins, þar sem gert er ráð fyrir að ráðherra eða sérstök starfseining innan ráðuneytis ákveði laun forstöðumanna ríkissins.

Í umsögn Lögreglustjórafélagsins um frumvarpið segir að FFR sé ekki stéttafélag og samkvæmt lögum geti aðeins þeir sem fái laun sín ákvörðuð af kjararáði orðið félagsmenn. Það fá embættismennirnir ekki lengur. Þá segir einnig að félagið vilji að óháður aðili ákveði laun þeirra, óheppilegt sé að ráðherra taki ákvörðun um laun og starfskjör þessa hóps. Í nýlegri skýrslu GRECO, samtaka ríkja Evrópuráðsins gegn spillingu, er einmitt gagnrýnt hversu stuttur skipunartími lögreglustjóra er hér á landi. Og þegar líða fer að lokum skipunartíma gæti embættismenn átt það til að láta það hafa áhrif á afgreiðslu mála. Ef ráðherrann er svo sjálfur farinn að ákveða þessum sömu mönnum laun, þá held ég að það sé nú ansi sterk lína þarna á milli,“ segir Úlfar í Morgunblaðinu.