Amina Mucciolo, betur þekkt sem Studio Mucci, kann svo sannarlega að lifa lífinu í lit! Íbúðin hennar er svo ótrúlega litrík og falleg að meira að segja einhyrningar eru afbrýðisamir. Ljós fjólubláir veggir, pastel litaðir skápar, blómaveggur, Hello Kitty örbylgjuofn og litríkar pappírströnur sem hanga úr loftinu endurspegla töfrandi persónuleika Aminu. Heimilið hennar er ekki aðeins litríkt heldur er hún oft með regnbogafléttur, í litríkum fötum og með glimmer förðun.
„Það skiptir mig mjög miklu máli að heimilið mitt endurspeglar mig og persónuleikann minn, og einnig eiginmann minn. Við viljum hafa rýmið okkar skemmtilegt, hamingjusamt og hvetjandi,“
sagði Amina við Dailymail. Hún hefur heillað netverja upp úr skónum og það kemur manni ekkert á óvart að hún sé með næstum 170 þúsund fylgjendur á Instagram.
Sjáðu myndirnar af þessu ótrúlega litríka og fallega heimili. Neðst í greininni er myndband þar sem hún sýnir íbúðina.
