Dana sem heldur úti heimasíðunni Minimalistbaker býr til uppskriftir sem innihalda tíu hráefni eða færri, ein skál dugar til að blanda hráefnum saman og það tekur 30 mínútur eða minna að útbúa réttinn.

Bananabrauðs granólað, þar sem þú færð bananabrauð án þess að baka bananabrauð er ein þeirra.

Bananabrauðs granólað er gómsætt, vegan og það er glútenlaust.
Það er ríkt af hollri fitu, Omega 3 og 6, próteini og trefjum.
Og það tekur aðeins 30 mínútur að útbúa, auk þess að vera kjörinn morgunmatur eða biti milli mála.

BANANABRAUÐS GRANÓLA

Undirbúningstími: 5 mínútur

Eldunartími: 25 mínútur

Vegan granóla sem tekur 30 mínútur að útbúa, bragðast eins og bananabrauð og er stútfullt af próteini, höfrum, hollri fitu og omega 3 og 6.

Morgunmatur, milli mála, eftirréttur

Vegan, glútenlaust

Dugar í 12 bolla

Innihald

• 3 bollar tröllahafrar
• 3/4 bolli valhnetur
• 1/2 bolli pekanhnetur
• 3 matskeiðar hrásykur
• 1/2 teskeið sjávarsalt
• 1/2 matskeið kanill
• 1 matskeið hörfræ
• 1/4 bolli kókosolía
• 1/3 bolli + 1 matskeið maple síróp eða agave síróp
• 1 teskeið vanilla extract
• 1 meðalstór þroskaður banani, maukaður

Leiðbeiningar

1. Hitaðu ofninn í 176 C.
2. Blandaðu höfrum, kanil, sykur, salti, hörfræjum og hnetum saman í stórri skál.
3. Hitaðu kókósolíu, maple síróp (eða agave síróp) og vanilla extract saman í pönnu á lágum hita. Þegar blandan er orðin fljótandi, taktu af hellunni og hrærðu bananamaukið vel saman við. Helltu yfir þurrefnablönduna og blandaðu vel saman.
4. Dreifðu blöndunni jafnt á eina eða tvær bökunarplötur og bakaðu í 23-28 mínútur, þangað til blandan er orðin ljósbrún.
5. Taktu úr ofninum og láttu kólna á plötunni. Geymist í nokkrar vikur í loftþéttum umbúðum.

Heimild.