Kristján Óli Sigurðsson gerði upp íþróttaárið með Helga Fannari Sigurðssyni í viðhafnarútgáfu af Íþróttavikunni á 433.is.

Það verða æ færri eftir úr gamla bandinu svokallaða í íslenska landsliðinu, mönnunum sem fóru með okkur á EM og HM. Jóhann Berg Guðmundsson og Aron Einar Gunnarsson eru þó enn viðloðnir liðið.

„Goran Pandev var nú með Norður-Makedónum á EM síðast. Þeir geta alveg nýst ef þeir verða enn að spila. Þeir eru í þægilegum giggum í Mið-Austurlöndum. Gylfi er þriðji maðurinn í þessari umræðu, aðrir eru hættir. Þeir eru náttúrulega ekkert eðlilega góðir í fótbolta,“ sagði Kristján.

„Það er spurning hvort Arnar taki Aron bara inn í teymið því hann virðist vilja hafa hann í kringum þetta. En hann notar hann ekki, ég hefði alveg vijað sjá hann koma inn á móti Úkraínu þegar við vorum að verja markið. Ég fæ enn martraðir yfir þessum mörkum sem við fengum á okkur,“ sagði Kristján enn fremur, en Ísland tapaði gegn Úkraínu í úrslitaleik um að komast í umspil um sæti á HM.

Umræðan í heild er í spilaranum.