Miðillinn Africa Sport segir að Manchester United sé að horfa í mjög óvænta átt fyrir kaup í janúarglugganum.
Um er að ræða sóknarmann sem ber nafnið Lassine Sinayoko en hann spilar með Auxerre í Frakklandi.
Eigendur United eru þeir sömu og eiga Nice í Frakklandi og tóku þeir vel eftir leikmanninum í viðureign liðanna fyrr á tímabilinu.
Samkvæmt Africa Sport þá vill United semja við leikmanninn í janúar en samningur hans rennur út næsta sumar.
Sinayoko er 26 ára gamall en hann getur bæði spilað í fremstu víglínu og þá einnig á vængnum.
