Tveir leikmenn hafa yfirgefið karlalið ÍA undanfarin sólarhring, þeir Albert Hafsteinsson og Marko Vardic.

Samningur Vardic er runninn út og verður hann ekki áfram, en Skagamenn og Albert ákveða að slíta samstarfi sínu ári fyrr.

Albert er alinn upp uppi á Skaga en tók nokkur ár í Fram áður en hann sneri aftur heim. Hann kom yfirleitt inn af bekknum á nýafstaðinni leiktíð.

Vardic kom frá Grindavík fyrir síðustu leiktíð og hefur reynst ÍA vel.

Tilkynning ÍA vegna Alberts
Albert Hafsteinsson kveður Knattspyrnufélagið ÍA eftir 9 tímabil í meistaraflokki ÍA. Albert lék alls 170 leiki, og skoraði í þeim 21 mark.

Albert er uppalinn á Akranesi og hefur alla tíð gefið allt sitt fyrir félagið, bæði innan vallar og utan.

ÍA þakkar Alberti fyrir frábært framlag í gegnum árin og óskar honum velfarnaðar í komandi verkefnum.

Tilkynning ÍA vegna Marko Vardic
Marko Vardic hefur lokið tveggja ára samningi sínum hjá ÍA.

Hann hefur verið mikilvægur leikmaður liðsins á undanförnum árum og spilaði stórt hlutverk í að snúa gengi liðsins við á lokakafla mótsins á keppnistímabilinu sem var að líða.

Knattspyrnufélagið ÍA þakkar Marko fyrir framúrskarandi framlag til félagsins og óskar honum velfarnaðar í framtíðinni — bæði innan vallar sem utan.