Gudinas var úrskurðaður látinn klukkan 18:13 að staðartíma eftir að banvænni lyfjablöndu var dælt í líkama hans. Aftakan gekk snurðulaust fyrir sig, að því er fram kemur í frétt AP.
Michelle sást síðast á lífi á barnum Barbarelle laust fyrir klukkan þrjú aðfaranótt 24. maí 1994. Lík hennar fannst nokkrum klukkustundum síðar í húsasundi og leiddi rannsókn í ljós að henni hafði verið nauðgað áður en hún var drepinn með barefli.
Thomas Lee hafði verið á þessum sama bar með vinum sínum þetta sama kvöld en allir sögðust þeir hafa yfirgefið barinn þetta kvöld án hans. Öryggisvörður í skóla í nágrenninu sagðist hafa séð mann sem líktist Thomas flýja af vettvangi en það var umræddur öryggisvörður sem fann lík Michelle skömmu síðar.
Önnur kona bar einnig vitni fyrir dómi og lýsti því að Thomas hefði kvöldið áður, fyrir utan þennan sama bar, elt hana og hótað því að nauðga henni.
Thomas var dæmdur til dauða árið 1995 og sat hann því á dauðadeild í 30 ár.
