Lögreglan á höfuðborgarsvæðinu handtók mann fyrir vændiskaup í hverfi 104 í Reykjavík í dag. Þetta kemur fram í dagbók lögreglu en þegar maðurinn var kominn í hendur lögreglu kom í ljós að hann var eftirlýstur fyrir annað afbrot. Var hann því færður í fangaklefa í kjölfarið.
Talsvert var um ýmis afbrot í höfuðborginni í dag. Tveir drengir, 16 ára gamlir, voru teknir keyrandi á bifreið um borgina sem þeir höfðu augljóslega ekki réttindi til.
Þá var maður handtekinn fyrir að brjótast inn í sundlaug í miðborginni og annar var handtekinn fyrir líkamsárás, vopnalagabrot og vörslu fíkniefna.
Eitthvað var um að menn væru teknir undir áhrifum undir stýri. Reynt var að stöðva einn ökuþór sem keyrði á móti umferð og á umferðarskilti í úthverfi. Sá lagði á flótta á tveimur jafnfljótum en lögreglumenn hlupu hann uppi. Hver ástæða hegðunarinnar var liggur ekki fyrir en lögreglan rannasakar málið.
