Fann dularfullt flöskuskeyti í Viðey – Sagt vera frá árinu 1993
Útlenskur maður greinir frá því að hafa fundið meira en 30 ára gamalt flöskuskeyti í Viðey. Í skeytinu er fallegt ljóð.
Maðurinn greinir frá þessu í færslu á samfélagsmiðlinum Reddit. Bréfið er ljóðrænt svo ekki sé meira sagt. Í því stendur:
„Elsku þú, sem hjarta mitt kallar á, þegar nóttin fellur og stjörnurnar þegja, hvílir nafn þitt þungt á vörum mínum. Þú veist það ekki kannski mundu aldrei vita en þú ert eldurinn sem heldur mér á lífi. Loginn sem brennur í gegnum þögnina sem umlykur mig.
Ég horfi á þig úr fjarlægð, með hjartað í höndunum, falið bak við augnaráð sem þú tekur ekki eftir. Ég hræðist að elska þig, og samt geri ég það með hverju andartaki, með hverri taug, með hverri ör sem lífið hefur skilið eftir.
Segðu mér, getur einhver lifað svona lengi með svona djúpa þrá? Eða er það bara ég sem log í óvissu, óskilgreindri von? Ef þú gætir fundið hjartsláttinn minn, myndirðu heyra nafn þitt.
Þín alltaf, aldrei enginn.
Hringdu í mig ef þú finnur þetta.“
Bað maðurinn um og fékk þýðingu á ensku á bréfinu. Skeytið er sagt frá árinu 1993 og á því var skrifað símanúmer sem finnanda var bent á að hringja í 7 stafa símanúmer, sem hann máði yfir. Árið 1993 var hins vegar allt annað símanúmerakerfi á Íslandi en nú er. Það er árið 1995 voru símanúmer lengd í 7 stafi.
Bendir þetta til þess að skeytið sé ekki svona gamalt. Sem og að á flöskunni var „best fyrir“ dagsetning árið 2026.
„Mig grunar að skeytið hafi ekki komist mjög langt eða verið þarna í langan tíma,“ sagði maðurinn.
Er hann hvattur til þess að hringja í númerið. „Þú ættir að hringja í þetta númer. Ég gerði þetta einu sinni og elskaði það,“ segir einn í athugasemdum.
