Eldri hjón búsett í Miami í Bandaríkjunum fóru í tveggja vikna ferð til Kúbu og bjuggust eins og aðrir við að allt væri eins þegar þau sneru aftur heim.

Barnabarn þeirra, Nicole Chuairey, 24 ára, hafði allt aðra hugmynd og fékk fleiri í lið með sér til að koma afa og ömmu á óvart við heimkomuna.

„Satt að segja vildi ég bara gefa til baka. Afi og amma skildu svo mikið eftir þegar þau yfirgáfu Kúbu, heimilið, líf þeirra, bara svo fjölskyldan gæti verið nálægt hvort öðru hér. Mig langaði að gera eitthvað sem myndi láta þeim líða eins og þau séu einstök, eitthvað sem sýndi þeim hversu mikils virði þau eru fyrir okkur öll.“ 

Barbara Polo, 70 ára, og Octavio Cruz, 73 ára, þoldu ekki gamla, bilaða baðherbergið sitt, en voru ekki vön að kvarta eða biðja um nýja hluti. Chuairey fór því að vinna meðan þau voru á Kúbu.

„Þau höfðu ekki hugmynd um hvað við vorum að gera. Ekki hugmynd. Við vorum bókstaflega að keppa við klukkuna til að klára áður en þau kæmu heim.“ 

@nicolechuairey The bathroom is finished🫢🥹.. If I could give them the world I would. THEY COME BACK TODAY!!! #grandparents #surprise #remodel #before #construction #thebefore #bathroom #remodeling ♬ Western Music: Arizona Dreaming – Piero Piccioni

Þrátt fyrir að hafa tvær vikur var vinnan ekki auðveld. Verkið fólst í því að rústa baðherberginu, skipta um flísar, laga úreltar lagnir og setja upp nýjar innréttingar. Það sem átti að vera óvænt gjöf breyttist í meiriháttar framkvæmd.

„Tvær vikur hljómar eins og langur tími þar til þú ert að rífa út flísar, laga rör, keyra til Home Depot á fimm mínútna fresti og reyna að halda öllu leyndu um leið. Þetta leið eins og raunveruleikaþáttur á bak við tjöldin.“

@nicolechuairey They had NO idea… I love surprising them!!🥹 #bathroommakeover #bathroom #remodel #makeover #grandparents #surprise #gift #construction ♬ Mystical Magical – Benson Boone

Eiginmaður Chuairey hjálpaði til og þau réðu handverksmann og pípulagningamann til að sinna tæknilegri störfunum. Meðan á niðurrifinu stóð var móðir hennar hreinsunarliðið. „Hún var bókstaflega að þurrka niður ryk á meðan við vorum enn að setja upp hluti,“ rifjar hún upp. „Þetta var ekki bara byggingarverkefni, það breyttist í fjölskylduverkefni.“

Tímatakmarkanir, klúður, svefnlausar nætur og fjárhagsáætlunarhindranir ýttu Chuairey og teymi hennar til hins ýtrasta. „Það voru nætur sem við vorum að þrífa til kl. 1. Fjárhagslega hliðin var mikið álag fyrir okkur. En við héldum áfram að hugsa um hvernig ömmu og afa myndi líða að sjá breytingarnar og það hélt okkur gangandi.“

Heildarkostnaðurinn við breytingarnar nam um 10 þúsund dölum, en fyrir Chuairey og fjölskyldu hennar var þeim peningum vel varið. „Það var ekki auðvelt að ná þessu, en satt að segja var það ómetanlegt að láta þau finnast þau vera elskuð og stolt af heimili sínu aftur. Það er ekki hægt að setja verðmiða á svona hamingju.“

@nicolechuairey Replying to @Liv🫧 THE RESULTS!!!!♥️ Look at the shower🥹🥹🥹 My grandparents were so happy!! #remodel #surprise #after #excited #grandparents #results #bathroom #construction #beforeandafter #happy #new #cominghomesurprise #cominghome ♬ original sound – Nicole Chuairey

Eftir að Chuairey birti myndbönd af endurbótunum á netinu efuðust sumir áhorfendur um hönnunarval þeirra, eins og skort á öryggisstöngum, miðað við aldur húseigenda. „Í fyrstu varð ég algjörlega brjáluð. Ég sá fyrstu athugasemdina og hringdi strax í mömmu eins og: „Guð minn góður, klúðruðum við þessu?“,“ segir hún. 

„En staðreyndin er sú að amma og afi hötuðu þessar stangir. Þau vildu þær burt en gátu ekki fjarlægt þær sjálf. Við hönnuðum baðherbergið út frá því sem þau vildu, ekki því sem netverjar töldu þau þurfa. Fyrst hélt amma að við hefðum bara endurraðan. Síðan staldraði hún við, leit virkilega í kringum sig og varð steinhissa.“ rifjar hún upp. Afi hennar var agndofa yfir því að þetta hefði allt verið gert á aðeins tveimur vikum. 

Eftir að hafa séð ömmu sína og afa í nýkláruðu rýminu vissi Chuairey að fyrirhöfnin hefði skilað árangri. „Að sjá þau brosa svona, það gerði hvern einasta mola af ryki, hvert stressandi augnablik, algjörlega þess virði.“