Knattspyrnugoðsögnin Terry Yorath er látinn, 75 ára að aldri, eftir skammvinn veikindi. Andlátið hefur vakið mikla sorg í knattspyrnuheiminum og víðar.

Fréttirnar bárust aðeins nokkrum klukkustundum eftir að dóttir hans, íþróttafréttakonan Gabby Logan, þurfti að yfirgefa sjónvarpsþáttinn Match of the Day skyndilega vegna neyðarástands í fjölskyldu hennar.

Fjölskylda Yorath staðfestisvo andlátið í yfirlýsingu fyrr í dag.

„Fyrir flesta var hann virt knattspyrnuhetja, en fyrir okkur var hann pabbi, rólegur, góður og hlýr maður,“ sögðu börn hans í yfirlýsingu.

„Hjörtun okkar eru brotin, en við finnum huggun í því að hann sameinast aftur bróður okkar, Daniel.“

Daniel sonur hans lést aðeins 15 ára gamall vegna hjartagalla en hann lést þegar hann var að leika sér í fótbolta með pabba sínum.

Yorath fæddist í Cardiff árið 1950 og átti glæsilegan feril bæði sem leikmaður og síðar sem þjálfari. Hann lék alls 59 landsleiki fyrir velska landsliðið og var oft fyrirliði liðsins.

Síðar tók hann við starfi landsliðsþjálfara Wales snemma á tíunda áratugnum og var nálægt því að koma liðinu á HM 1994, en Wales tapaði úrslitaleik sínum í undankeppninni 2-1 gegn Rúmeníu.

Terry Yorath lætur eftir sig börnin Gabby, Louise og Jordan.