Stuðningsmenn Manchester City hafa tekið eftir hvatningarorðum sem birtust á æfingasvæði félagsins í nýjustu færslu framherjans Erling Haaland á samfélagsmiðlum.
City er í harðri baráttu um enska meistaratitilinn og eltir nú Arsenal, en liðið er sex stigum á eftir Lundúnaliðinu í deildinni. Þetta gerist eftir jafntefli City gegn Chelsea um helgina, á meðan lið Mikel Arteta lagði Bournemouth að velli.
Á síðustu leiktíð missti City meistaratitilinn til Liverpool, en allt bendir til þess að lið Pep Guardiola sé ekki tilbúið að gefast upp í titilbaráttunni.
Í færslu Haalands mátti sjá skilaboð á vegg bak við hann og UFC-goðsögnina Khabib Nurmagomedov. Þar var lögð áhersla á seiglu, baráttuanda og að City gefist aldrei upp, jafnvel þegar á móti blæs.
Í skilaboðunum kom meðal annars fram að þetta væri andi félagsins, að aðlagast, bregðast við mótlæti og snúa erfiðum aðstæðum sér í hag. „Við erum ekki veikburða, við erum Manchester City Football Club,“ stóð þar að lokum.
Skilaboðin í heild:
‘The pressure. The chase. The difficulties. We’ve been here before, pushed to the absolute limit and still taking everything.
‘That has always been our spirit. We don’t fold. We don’t panic. We don’t quit. We adapt. We respond. We turn setbacks into solutions. We change situations, because that’s what we do.
‘We are not weaklings, we are Manchester City Football Club.’
