Framtíð reynsluboltans Robert Lewandowski er í óvissu fyrir sumarið. Það er meðal annars áhugi frá Ítalíu.

Pólski framherjinn verður samningslaus hjá Barcelona í sumar og getur að óbreyttu farið frítt.

Það hefur verið rætt og ritað um áhuga frá bæði Bandaríkjunum og Sádi-Arabíu, en talið er að bæði AC Milan og Juventus séu klár í að bjóða Lewandowski upp á möguleikann að vera áfram í Evrópu.

Annar möguleiki er þó að Lewandowski verði áfram hjá Barcelona. Ákvæði er nefnilega í samningi hans upp á að framlengja samninginn um ár til viðbótar. Það er eitthvað sem Börsungar geta virkt, en leikmaðurinn má hafna samkvæmt heiðursmannasamkomulagi.

Sjálfur hefur Lewandowski sagst ætla að taka ákvörðun á næstunni, en þangað til verður óvissa og orðrómar um framtíð þessa afar öfluga leikmanns.