Það er útlit fyrir að enginn leikmaður Manchester United sé á förum í janúarglugganum en frá þessu greinir Ruben Amorim.

Amorim er stjóri United en hann ræddi við blaðamenn fyrir leik gegn Leeds á sunnudaginn.

Joshua Zirkzee og Kobbie Mainoo hafa verið orðaðir við brottför en Amorim býst ekki við breytingum í hópnum.

,,Við höfum ekki átt neinar samræður um að breyta leikmannahópnum. Við erum með verkefni í gangi sem er byggð á hugmyndafræði,“ sagði Amorim.

,,Það er ekki einn leikmaður sem hefur tjáð mér að hann vilji fara og ég býst ekki við svoleiðis samtali.“