Jack Grealish er í vondri stöðu hjá Manchester City og ætlar félagið ekki að taka hann með á HM félagsliða. Hann er nú í sumarfríi og svarar netverjum fullum hálsi.
Pep Guardiola virtist á liðnu tímabili missa alla trú á Grealish og fékk hann lítið að spila.
City vill selja Grealish í sumar en hann kostaði félagið 100 milljónir punda á sínum tíma.
Verið var að ræða framtíð Grealish á Talksport og birtist færsla á samfélagsmiðlum, þar fór Grealish að svara fyrir sig.
„Viltu að ég skori þrennu á tuttugu mínútum?,“ skrifar Grealish og vitnar þar í spiltíma sinn sem var lítill á síðustu leiktíð.
Hann fór svo að svara netverjum en einn þeirra sagði að Grealish hefði ekkert getað undanfarið.
„Haha? Hef ég verið slakur undanfarið, ég skoraði þrjú mörk í síðustu þremur leikjum sem ég spilaði og það voru heilar 45 mínútur,“ svarar Grealish.
