Phil Foden, leikmaður Manchester City, mátti þola ljóta söngva frá stuðningsmönnum erkifjendanna í Manchester United um móður hans á dögunum. Móðirin, Claire Rowlands, hefur töluvert verið í fréttum í gegnum tíðina.

Daily Star tók saman nokkrar fréttir af Rowlands í gegnum tíðina. Síðast í nóvember gerði hún allt vitlaust á meðal nágranna sinna er hún kveikti í flugeldum að kvöldi til og var með sýningu í um tvær klukkustundir.

Þetta gerði hún í rándýru úthverfi Manchester, þar sem Foden hafði keypt fyrir hana stórt hús. Olli þetta mikilli gremju meðal nágranna sem fyrr segir, sér í lagi þar sem þetta hélt vöku fyrir börnum og hræddi gæludýrin í hverfinu.

Í september 2023 var Rowlands handtekin eftir að hafa lent í slagsmálum á djamminum. Hún var með læti þegar lögreglan vildi tala við hana og var sökum þess handtekinn.

Hún mætti síðar í dómsal og játaði að hafa verið með dónaskap. „Ég lenti í útistöðum við þá, ég var hálfgerð tík,“ sagði Rowlands.

Fyrst kom Rowlands sér þó í fréttirnar baksviðs, þar sem hún var á bardagakvöldi með syni sínum, Foden. Var hún á leið í einkaherbergi að horfa á bardagann þegar hún sneri sér að hópi manna og spurði hver hefði kallað Foden kuntu.

Hún hrinti einum mannanna svo og sagði þeim að fara til fjandans. Hún uppskar sjálf högg fyrir vikið. Þetta náðist á myndband, eins og sjá má hér að neðan.

Warra defended mum for Phil Foden! pic.twitter.com/KIyiqeuFjm

— Mike Ross (@ysgwp1) June 19, 2023