Jobe Bellingham er áfram orðaður við brottför frá Dortmund, þó hann hafi aðeins komið þangað í sumar.
Hinn tvítugi Bellingham, sem er yngri bróðir Jude, hefur ekki náð að heilla í Þýskalandi frá komu sinni og ku hann vilja fara. Forráðamenn Dortmund skoða málið.
Bellingham hefur verið orðaður víða en nú segir Mirror að Paris FC, sem er nýliði í efstu deild Frakklands, hafi áhuga á kappanum.
Dortmund er ekki til í að sleppa leikmanninum endanlega en möguleiki er á að hann fari á láni til frönsku höfuðborgarinnar.
