Antoine Semenyo vill fá framtíð sína á hreint fyrir 1. janúar en þá opnar janúarglugginn þar sem félög geta keypt inn nýja leikmenn.
Margir enskir miðlar fjalla um málið en Semenyo er eftirsóttur og aðallega orðaður við Manchester City í dag.
Hann vill vera búinn að ná samkomulagi við Bournemouth um brottför og samningum við City áður en glugginn opnar.
Semenyo er fáanlegur fyrir 65 milljónir punda sem gildir til 10. janúar en Bournemouth vill finna eftirmann hans áður en salan gengur í gegn.
Allt bendir til að vængmaðurinn muni kveðja í janúar en hann er þó bundinn sínu félagi til 2030.
