Fyrsta leik dagsins í ensku úrvalsdeildinni er nú lokið en spilað var á City Ground, heimavelli Nottingham Forest.

Manchester City kom í heimsókn að þessu sinni í leik sem lauk með sigri gestaliðsins, 2-1.

Tijani Reijnders kom City yfir í leiknum snemma í seinni hálfleik en sú forysta var ekki í gildi lengi.

Omari Hutchinson skoraði fyrir Forest aðeins sex mínútum seinna og stefndi lengi vel í að hann væri að tryggja gott stig.

Rayan Cherki hefur verið frábær fyrir City undanfarið og var á öðru máli en hann skoraði sigurmarkið fyrir þá bláklæddu er um sjö mínútur voru eftir.

City er komið í efsta sæti deildarinnar með þessum sigri en Arsenal getur endurheimt það sæti með sigri á Brighton í dag.