Framherjinn Lautaro Martinez hefur staðfest það að Lionel Messi hafi reynt að sannfæra hann um að ganga í raðir Barcelona á sínum tíma

Martinez er á mála hjá Inter Milan en hann er einnig hluti af argentínska landsliðinu líkt og Messi sem leikur í dag með Inter Miami.

Messi vildi mikið fá landa sinn til að skrifa undir á Nou Camp en án árangurs – Martinez skrifaði undir framlengingu stuttu eftir þeirra samtal.

Það var kannski öllum fyrir bestu þar sem fjárhagsstaða Barcelona varð til þess að Messi yfirgaf félagið á þeim tíma.

,,Það er rétt. Messi vildi fá mig til Barcelona. Við höfum margoft rætt saman í landsliðinu,“ sagði Martinez.

,,Hann talaði um stöðu félagsins en ég hef alltaf verið rólegur og viljugur að ræða við Inter um nýjan samning því ég er ánægður hérna.“

,,Ég er hæstánægður að fá að vera hér áfram, bæði ég og mín fjölskylda erum ánægð.“