Daníel Leó Grétarsson stóð vaktina eins og klettur í 2-2 jafntefli Íslands og Frakklands í undankeppni HM í kvöld.

Leikurinn á Laugardalsvelli var spennandi þar íslenska liðið komst yfir en Frakkar komust svo í 2-1. Það var svo Kristian Nökkvi Hlynsson sem jafnaði fyrir okkar menn.

„Þú ferð í hvern fótboltaleik til að vinna, við tökum eitt stig og förum fullir sjálfstraust í næsta verkefni,“ sagði Daníel við 433.is eftir leikinn í kvöld.

Íslenska liðið er nú þremur stigum á eftir Úkraínu í riðlinum þegar tvær umferðir eru eftir.

„Frakkar fengu ekki mörg færi, þeir voru mikið með boltann í endann og setja pressu á okkur.“

„Við fengum fimm mörk á okkur í síðasta leik, mér leið ekki eins og það væri fimm marka leikir. Við erum gott lið og verðum betri og betri með hverjum leiknum.“

Viðtalið er í heild hér að neðan.