Virgil van Dijk, fyrirliði Liverpool, útilokar ekki að félagið muni kaupa fleiri leikmenn í sumarglugganum.
Liverpool hefur styrkt sig vel í sumar og fengið til sín leikmenn eins og Florian Wirtz, Jeremie Frimpong og Milos Kerkez.
Nýjustu kaup Liverpool voru staðfest í vikunni en framherjinn Hugo Ekitike er mættur til félagsins frá Frankfurt.
Liverpool hefur eytt um 300 milljónum punda í leikmenn en Van Dijk útilokar ekki að fleiri séu á leiðinni.
,,Við skulum sjá hvað gerist fyrir gluggalok. Hingað til höfum við bætt við góðum leikmönnum,“ sagði Van Dijk.
,,Þeir sem hafa samið við okkur eru með gæðin til að spila fyrir lið eins og Liverpool.“
