Það bætist í hóp þeirra liða sem vilja fá Jordan Adeyemo framherja Ægis í 2. deild karla. Fjallað hefur verið um áhuga liða undanfarið.
ÍBV er eitt þeirra liða í Bestu deild karla sem hefur áhuga á Adeyemo en fleiri hafa bæst í þann hóp.
KA sýnir nú írska framherjanum áhuga en hann hefur skorað ellefu mörk í tíu umferðum 2. deildarinnar.
Hallgrímur Jónasson þjálfari KA var ásamt aðstoðarmanni mættur á Dalvíkurvöll í gær þar sem Ægir vann 2-0 sigur á heimamönnum, Adeyemo var ekki á skotskónum í þeim leik.
Samkvæmt heimildum 433.is hafa að minnsta kosti fimm lið í Lengjudeildinni einnig sýnt Adeyemo áhuga.
KA er í fallsæti Bestu deildarinnar og hafa framherjar liðsins ekki verið heitir að undanförnu, Adeyemo komt til Ægis fyrir tímabilið en félagaskiptaglugginn opnar 17 júlí.
