Kevin De Bruyne, nýr leikmaður Napoli, hefur hvatt nýja stjórann sinn, Antonio Conte, til að sækja Jack Grealish frá Manchester City.
The Sun fjallar um málið. De Bruyne yfirgaf City í sumar á frjálsri sölu eftir frábær tíu ár hjá félaginu og hefur Grealish sterklega verið orðaður í burtu.
Napoli, sem varð ítalskur meistari í vor, er í leit að kantmanni og hafa Grealish og Alejandro Garnacho hjá Manchester United til að mynda verið orðaðir við félagið.
De Bruyne hefur nú að minnsta kosti mælt með því að Conte fái Grealish, en launakröfur hans gætu reynst hindrun í viðræðunum.
Grealish gekk í raðir City fyrir 100 milljónir punda frá Aston Villa árið 2021. Hann hefur átt góðar rispur en heilt yfir ekki staðið undir þessum háa verðmiða.
