Pep Guardiola stjóri Manchester City er orðaður við starfið hjá AC Milan. Corriere della Sera segir frá þessu.
Guardiola er þó ekki líklegur til þess að hætta hjá City í sumar enda gerði hann nýjan samning á þessu tímabili.
Roberto de Zerbi er einnig nefndur til sögunnar og eru hann og Guardiola sagðir á blaði Milan.
Milan er að fara í breytingar í sumar en Guardiola er reglulega orðaður við lið á Ítalíu.
Sérgio Conceição var ráðinn þjálfari liðsins á miðju tímabili en ekkert hefur gengið og verður hann líklega rekinn í sumar.
