Manchester United goðsögnin Roy Keane efast um þá ákvörðun Gareth Southgate, landsliðsþjálfara Englands, að spila Trent Alexander-Arnold, á miðjunni í leik liðsins gegn Serbíu í fyrstu umferð riðlakeppni EM.

Trent, sem er að upplagi bakvörður, var mættur á miðjuna fyrir leikinn gegn Serbum, sem vannst 1-0, en telur Keane að aðrir miðjumenn séu allt annað en sáttir við þetta.

„Ef þú ert miðjumaður í þessum hóp og sérð hægri bakvörð valinn á undan þér í leik á þesu stigi ertu ekki glaður,“ segir Keane.

„Ég held að Gareth vilji koma (Conor) Gallagher í liðið. Hann er ekki hræddur við að taka óvinsælar ákvarðanir. Það verður talið frekar varnarsinnað.“

Næsti leikur Englands er gegn Danmörku á fimmtudag.