Age Hareide þjálfari íslenska landsliðsins hefur mistekist að bæta stigasöfnun íslenska landsliðsins af einhverju ráði á þeim 18 mánuðum sem hann hefur stýrt íslenska landsliðinu.
Hareide var ráðinn til starfa vorið 2023 þegar þá Vanda Sigurgeirsdóttir, formaður KSÍ og stjórn sambandsins ákvað að reka Arnar Þór Viðarsson úr starfi. Var Arnar rekinn því stjórn KSÍ taldi að Hareide gæti stýrt íslenska landsliðsinu inn á Evrópumótið í Þýskalandi, það mistókst.
Hareide hefur stýrt íslenska liðinu í 18 leikjum, fjórir af þeim eru æfingaleikir. Hareide hefur unnið 75 prósent af æfingaleikjunum en aðeins 28 prósent af keppnisleikjum liðsins. Til að reyna að setja hlutina í samhengi og reikna út meðaltal þjálfaranna ákváðum við að reikna sigur í æfingaleikjum sem þrjú stig og þar fram eftir götunum.
Þar kemur fram að Hareide hefur tekist að bæta stigasöfnun liðsins en það sáralítið, undir stjórn Arnars Þórs sótti íslenska landsliðsins að meðaltali 1 stig í leik. Undir stjórn Hareide hefur bætingin verið um 0,2 eða 1,2 stig að meðaltali í leik.
Undir stjórn Arnars Þórs fékk íslenska liðið á sig að meðaltali 1,54 mörk í leik en undir stjórn Hareide hefur varnarleikurinn versnað og fær liðið á sig 1,61 mark að meðaltali í leik.
Undir stjórn Hareide hefur markaskorun hins vegar batnað en íslenska liðið skorar 1,38 mark að meðaltali í leik undir hans stjórn en hjá Arnari Þór var meðaltalið 1,12.
Undir stjórn Arnars Þórs
31 stig
31 leikur
1 stig að meðaltali í leik
Age Hareide:
22 stig
18 leikir
1,2 stig að meðaltali í leik
