Thierry Henry er hættur sem þjálfari U21 árs landsliðs Frakklands. Frá þessu var greint nú fyrir skömmu.
Arsenal-goðsögnin var samningsbundin franska knattspyrnusambandinu til næsta árs en hættir af persónulegum ástæðum. Henry stýrði Frökkum á til silfurverðlauna á Ólympíuleikunum á dögunum.
„Mig langar að þakka franska knattspyrnusambandinu og forseta þess, Philippe Diallo, fyrir að gefa mér þetta magnaða tækifæri. Að vinna silfur á Ólympíuleikunum fyirr þjóð mína verður alltaf eitt af mínum stoltustu augnablikum,“ segir Henry meðal annars í yfirlýsingu.
Henry hefur reynt fyrir sér í þjálfun eftir að glæstum knattspyrnuferli hans lauk. Hann hefur áður stýrt Monaco og Montreal Impact, auk þess sem hann var aðstoðarþjálfari belgíska landsliðsins.
