Það eru margir sem muna eftir nafninu Karamoko Dembele en hann átti að vera einn efnilegasti leikmaður heims á sínum tíma.
Dembele vakti fyrst athygli aðeins 14 ára gamall en hann var þá á mála hjá Celtic í Skotlandi.
Dembele yfirgaf Celtic árið 2022 fyrir Brest í Frakklandi en var svo lánaður til Blackpool árið 2023.
Brest virðist ekki hafa of mikla trú á þessum ágæta strák sem á að baki leiki fyrir yngri landslið Englands sem og Skotlands.
Þetta gleymda undrabarn hefur skrifað undir samning við Queens Park Rangers í næst efstu deild Englands og borgar félagið 2,5 milljónir punda fyrir hans þjónustu.
Dembele er enn aðeins 21 árs gamall og vonandi fyrir hann kemur hann ferlinum aftur af stað eftir fína dvöl hjá Blackpool á lánssamningi.
