Avram Grant fyrrum þjálfari Chelsea er verulega óhress með þau ummæli Age Hareide, landsliðsþjálfara Íslands, þar sem haft var eftir Hareide að hann væri ósáttur með að þurfa mæta Ísrael í næstu umferð. Grant ræðir við Morgunblaðið.

Grant er frá Ísrael en hann hefur farið víða á ferli sínum og meðal annars þjálfað West Ham, Portsmouth og Chelsea auk þess að hafa stýrt landsliði Ísrael.

Ísrael réðst inn á Gasa í október eftir að Hamas liðar höfðu framið fjöldamorð í Ísrael. „En ef þú spyrð mig persónulega þá myndi ég hika við að spila við Ísrael, eins og staðan er núna. Vegna þess sem er í gangi á Gasa, og vegna þess sem þeir hafa gert við konur, börn og aðra saklausa borgara,“ sagði Hareide meðal ananrs.

Ísland og Ísrael mætast á fimmtudag í næstu viku þar sem liðin eigast við í umspili um laust sæti á EM næsta sumar, sigurvegari þessa einvígis mætir Úkraínu eða Bosníu í úrslitaleik.

Grant er ekki sáttur með þetta en hann skilur ekki af hverju Hareide ákveður að blanda fótbolta inn í mál sem hann segir að Hareide hafi enga þekkingu á.

„Ég sá hvað þjálf­ari Íslands sagði. Ég þekki hann ekki per­sónu­lega en ég er ósátt­ur við að hann skuli blanda íþrótt­um sam­an við eitt­hvað sem hann hef­ur enga þekk­ingu á. En ég vil leggja fyr­ir hann nokkr­ar spurn­ing­ar. Fyrst vil ég taka fram að ég er mót­fall­inn því að al­menn­ir borg­ar­ar séu fórn­ar­lömb og það hrygg­ir mig þegar slíkt ger­ist.“ segir Grant í samtali við Morgunblaðið.

Hann segir ábyrgð Hamas-liða mikla í málinu. „En menn verða að muna að þetta hófst allt á fjölda­morði Ham­as-liða. Ég vil því spyrja þjálf­ar­ann: Hvers vegna sagðir þú ekk­ert um fjölda­morðin í Ísra­el 7. októ­ber? Hvers vegna sagðir þú ekki: Ég er niður­brot­inn vegna allra þeirra kvenna sem var nauðgað, vegna barn­anna sem voru af­höfðuð, vegna gamla fólks­ins sem var brennt lif­andi? Vegna for­eldra sem voru skot­in í aug­sýn barna sinna.“